KIFO CHA MWANAMWALI KARNE YA 15

Moja kati ya mambo mengi na ya msingi katika miaka ya leo ni watu kufanyiwa maziko ya kifahari kanakwamba vitu wanavyokwenda kuzikwa  navyo  watavitumia huko waendako na wengine wamekuwa wakilaani utaratibu huo kutokana na imani zao binafsi na maisha ya kileo lakini  kumbe tabia hii haikuanza katika karne ishirini na moja imeanza katika karne ya kumi na tano miaka takriban mia tano na ushehe hivi imepita ambapo jamii za wakati huo zilikuwa zikifanya haya yanayofanyika leo.

Leo tunamtazama Binti wa Kishirazi aitwae Mwanamwali Binti huyu aliposwa katika Karne ya Kumi na tano na hakuna ushahidi wa moja kwa moja wa Binti huyo alikuwa na Umri wa Miaka Mingapi katika maisha yake ya kuishi Duniani Kaburi la mwanamwali lipo katika Kijiji cha Kunduchi pwani kijiji ambacho kinahistoria kubwa zaidi ya Uislamu.

Mwanamwali Baada ya kuposwa alifariki Dunia siku chache baadae na ndoa yake haikufungwa japokuwa mahali ilikuwa tayari imekwisha kutolewa  kwanini Mwanamwali ? Kaburi la Binti huyu wa kishirazi limejengwa kwa mawe ya matumbawe ambayo hata leo bado yapo Tangu karne ya Kumi na Tano kikubwa zaidi na cha ajabu ni kuwa waliamua kuweka vitu alivyolipiwa kama mahali wakati anaposwa ambapo vimegandanishwa kwa kutumia chokaa ya moto na vipo hadi leo hii, ni kaburi lililojengwa mfano wa Nyumba na limerembwa utadhani kulikuwa na mashine za kufanyia kazi hiyo  wakati huo .

Hii ni moja kati ya historia kubwa ambayo ipo kunduchi chuo cha Uvuvi ambapo watu wengi hawaitilii maanani pengine kwa kutojua umuhimu au maana ya historia za aina hii na kuna vitu vingi sana vya kustaajabisha katika makuburi haya  pengine inawezekana yakawa ndio makaburi yenye Gharama zaidi kuliko hata ya sasa kiuhalisia Tabia hizi zimekuwa zikijirudia rudia katika maisha ya wanadamu.